مارسيل خليفة والنشيد الوطني

سعر البحث

مجاني
مارسيل خليفة والنشيد الوطني
الاثنين 8 يوليو, 2019

غسان صليبي

 

مش "كلنا للوطن"،

صحيح.

 

ما عاد في وطن،

صحيح.

 

كلمات النشيد الوطني

مش كلنا موافقين عليها،

لانو فيها شوية عنف وذكورية وحكي بلا طعمة،

وما عاد إلها علاقة بالوضع الحالي،

صحيح.

 

بس الوطن لإلنا كلنا

ونشيدو كمان.

 

من حقك

ما تحب النشيد الوطني وما تغنيه،

لمن تكون وحدك،

او لمن تكون واقف مع الجمهور،

ومش انت عم تغني.

 

بس لمن تكون

انت المغني الوحيد بحفلة عامة،

ومش خاصة،

وكتار من الناس بحبو

تبلش هيك حفلات بالنشيد الوطني،

لانن تعودو عا هالشي او مقتنعين في،

وهالناس بحبوك وجايين يحضروك،

من مناطق بعيدة،

وانت عارف كل هالإشيا،

ورغم ذلك بتقرر لوحدك،

ما تعزف النشيد الوطني

للاسباب اللي انت مقتنع فيها،

بتكون عم تتصرف متل ما بيتصرف

الزعيم ببلادك،

الذكوري والعنيف،

ويللي بياخود القرارات لوحدو،

ويللي قرفك وقرفنا

الوطن ونشيدو.

 

موقفي ديمقراطي

قبل ما يكون وطني

وإنساني قبل ما يكون ديمقراطي.

 

هالحكي ما بيعني

انو لازم نضل

كل ما بدنا نعمل حفلة

او نحيي مناسبة

نبلشها بالنشيد الوطني.

 

وما بيعني كمان

انو ما نكون بحاجة

نقول "كلنا للوطن"

نحنا وعم نتأكد

يوم بعد يوم

انو ما عاد عنا وطن.

 

فبالنشيد

تنشد ايضا

قيام الوطن

لمن ما يعود موجود

وما يعود عم يسمع

إنا عم نغنيلو.

 

البحوث ذات الصلة

ابحث

أهم الفئات

اختصارات شائعة